ღვინის სკოლა „კაბისტონი“ დაარსდა 2015 წელს. მისი დაარსების მიზანია, შეასწავლოს ღვინის მოყვარულებსა და ტურიზმის სფეროში მომუშავე ადამიანებს ღვინის კულტურა და ისტორია, მევენახეობა-მეღვინეობის საწყისები, ღვინის სწორად დაგემოვნება, ღვინის ზადი, არომატები და გემოვნური თვისებები, ღვინის შეფასება და კერძთან შეხამება, სერვისი და ქართული გასტრონომიული კულტურა.

​

 ღვინის სკოლა „კაბისტონის“ ძირითადი სასწავლო კურსია „ღვინის მცოდნე“, კურსის ხანგრძლივობაა სამი თვე. კურსზე მიღება ხორციელდება წელიწადში ორჯერ: გაზაფხულსა და შემოდგომაზე. კურსის გავლის შემდეგ, წარმატებულ კურსდამთავრებულებს გადაეცემათ სერთიფიკატები.

​

 ღვინის სკოლა „კაბისტონმა“ დაარსებიდან დღემდე განვითარების სხვადასხვა ეტაპი გაიარა. ერთ–ერთი ყველაზე მნიშვნელოვანი ეტაპი იყალთოს ქვევრის პირველ სკოლა-აკადემიასთან თანმშრომლობაა, სადაც ღვინის სკოლა ყოველ ზაფხულს განახორციელებს მოკლევადიან სასწავლო კურსებს, სახელწოდებით „შაბათ-კვირის საზაფხულო სკოლა“. გარდა აღნიშნული კურსისა, ღვინის სკოლა ახორციელებს სხვადასხვა მოკლევადიან კურსებს, როგორიცაა:  გასტრონომიული გიდი, ბიო და ორგანული მევენახეობა-მეღვინეობა და სხვ. მოკლევადიანი კურსების შესახებ ინფორმაცია შეგიძლიათ მიიღოთ ჩვენს facebook გვერდზე.

 

  ღვინის სკოლა „კაბისტონი“ ასევე წარმატებით თანამშრომლობს  ასოციაცია „ქართულ ღვინოსთან“ და სხვადასხვა ღვინის მარანთან, რომლებიც ჩართულნი არიან ღვინის განათლების პროცესში და ხელს უწყობენ ჩვენი მსმენელების განათლების ამაღლებას.

​

 2016 წელს, კი ღვინის სკოლის დახმარებით დაარსდა ახალი კომპანია "კაბის ტონი", რომელიც შეზღუდული ღვინის წარმოებაზეა ორიენტირებული.